សន្និសីទ បញ្ហាយុត្តិធម៌ ដែលបានធ្វើឡើងនៅក្នុងឆ្នាំ ២០១៦ មានគោលគំនិតសំខាន់ ៣ ដូចជា យុត្តិធម៌ព្រហ្មទណ្ឌអន្តរជាតិ និង កម្ពុជា ការស្រាវជ្រាវ និងអក្សរសាស្រ្តផ្នែកច្បាប់ និង សន្តិភាព ភាពយុត្តិធម៌ និងចំណេះដឹងច្បាប់ ។ នៅឆ្នាំ ២០១៦ អង្គការគោលដៅយុត្តិធម៌ នាំមកនូវអ្នកចូលរួមចំនួន ៧០ នាក់ សម្រាប់សន្និសិទ បញ្ហាយុត្តិធម៌ដំបូងបំផុត ដើម្បីប្រារព្ធថ្ងៃយុត្តិធម៌អន្តរជាតិ និងបើកវេទិកា ពិភាក្សាយុត្តិធម៌នៅក្នុងប្រទេសកម្ពុជា។ ផ្ទាំងពិពរណ៌ អំពីតុលាការព្រហ្មទណ្ឌអន្តរជាតិដែលដាក់បញ្ឈរតៗគ្នា និងបង្ហាញអំពីផ្នែកសំខាន់ៗនៃ អង្គជំនុំជម្រះវិសាមញ្ញតុលាការកម្ពុជា ក៏ដូចជាភាពប្រឈមនៃយុត្តិធម៌នៅក្នុងប្រទេស កម្ពុជា។ ក្នុងនោះដែរ គម្រោងស្តីពីសេចក្តីពន្យល់រដ្ឋធម្មនុញ្ញព្រះរាជាណាចក្រកម្ពុជាត្រូវបាន លើកមកធ្វើបទបង្ហាញផងដែរ។ មានការចូលរួមពី ឯកឧត្តម តេង រតនា លោក ព្រាប កុល មកពីអង្គការតម្លាភាពកម្ពុជា និង ក៏មានវត្តមាន នៅទីនោះដែរ។ សន្និសិទស្តីពី បញ្ហាយុត្តិធម៌ ឆ្នាំ២០១៦ ត្រូវបានបង្កើតឡើងបាន ក៏ដោយសារមានការឧបត្តម្ភពីស្ថាទូត ស៊ុយអ៊ែត នៅក្នុងប្រទេស កម្ពុជា។      |
|
|
